چـاگِـردءِ سَـرمَـچـار نبشتانکار: ادَبـی هَـکـیـم

کمپین فعالین بلوچ . بلوچیء تاک 418

 

نَـدکـار بـازارےءِ تـهـا رَوَگءَاَت رَهـگـوَزے آئـیءِ چَـکّءَ آتـک ءُ کـپـت دُئـیـں زَمـیـنّءَ کـپـت اَنـت نَـدکـار سـاریءَ پـاداتـک رَهـگـوَزءِ چـہ زُمـیـنّءَ چِـسـت کـرت.

نَـدکـار : واجـہ تـو راهءَ بـچـارءُ بُـرو نِـگـبَـهـت تـو وَ مـنءَ لَـپـاشـت!!.

رَهـگـوَز: تـو اَگـاں مـنءَ راه بـہ داتـیـں مـن تـئـی چَـکّءَ نـہ کـپـتَـگ اَتـاں.

نـدکـار : تـو مـنءَ مـوه نـہ دات کـہ مـن بـہ کِـنـزّاں تـو چـو بـے سـاربـانـیـں هُـشـتـرے دریـپّـان اَت ئَے مـن ایـں نـیـزگـارءِ سَـرءُ بَـهـتـاں آتـک ءُ کـپـت ئَے هـاوَنـدءِ شُـگـراِنـت کـہ مـنـی دَسـتءُ پـادے نـہ پـرُشـت ، تَـرا چـون اِنـت مَـردَک کـہ تـو چـو مَـسـت ئَے ؟

رَهـگـوَز: هَـو واجـہ تـئـی گـپ راسـتـے اے شـوُمّـیـں روزگـارءَ مـنءَ بـے سـار کـرتَـگ پـدا راسـتـیـں گـپ ایـش اِنـت کـہ مَـنءَ سَـکّ اِشـتـاپ اَت پَـمـیـشءَ مـن تـئـی چَـکّءَ آتـک ءُ کـپـتـاں ، مـنءَ پَـهِـل کـن واجـہ.

نـدکـار : کـمّـبَـهـت تـو وَت هَـم پـہ سَـکّـی زُمـیـنءَ کـپـت ئَے بـاریـں تـو وَتءَ بـچـار تـرا هِـچّ نـہ بـوُتَـگ؟

رَهـگـوَز : نـاں واجَـہ مـن بَـرابَـراں.

نَـدکـار : تـو بـیـا ادءَ بـہ نِـنـد دَمے بـہ سـاسـار.

رَهـگـوَز : هَـو واجـہ مـن سَـکّ دَمّ بُـرتَـگ.

نـدکـار : نـوں تـو مـنءَ بُـگـوَش چـونـیـں اِشـتـاپـیـں کـارے تـرا چـو تـاچـیـنَـگءَاَت کـہ تـو مـنءَ چـو کـاریـگــرےءَ چــیــر سُــرّاِت ئَے .

رَهـگـوَز : گـوَش اَنـت مـاں پـیـریءَ دروگءِ بَـنـدَگ شَـرّ نَے اِنـت پَـمـیـشـا گـوں تـو راسـت گـوشَـاں ، مـن چَـہ ادءَ گـوَزَگءَاِتـاں مـنی چَـمّ پـہ گـُـلام شـاهءَ کـپـت اَنـت ، دیـراِنـت مـنءَ گـُـلام شـاهءِ لَـهـتے زرّ پـراَنـت ، مـن چـاراِت اگـاں گـُـلام شـاه مـنءَ بـہ گِـنـدایـت وَتـی زرّاں جُـسـت کـنـت ، پَـمـیـشـا مـن وَتـی پـادانـی بـاهـوٹ بـوتّـاں کـہ گـُـلام شـاهءِ چَـمّ پـہ مـن مـہ کـپ اَنـت ، رَنـدا هَـمے بـوُت کـہ تـئـی سـرا آتـک ءُ کـپـتـاں. نَـدکـار: واجَـہ تـئـی نـام کے اِنـت ؟ رَهـگـوَز : واجَـہ مـنـی نـام سَـرمـچـاراِنـت. نَـدکـار : سـرمـچـار تـئـی نـام اِنـت ، یـاں تـئـی کِـرد سَـرمَـچـاری کِـرد اَنـت؟ رَهـگـوَز : مـنـی نـام دگِـرے بـوُتَـگ بَـلے مـنـی کِـرد بـے پَـرواهـیـں کِـرد بـوُتَـگ اَنـت پـمـشـا پـہ سَـرمَـچـارءِ نـامءَ نـام کـپـتَـگـاں ، رَنـدا هَـمے شـونَـگءَ مـنـی وَتـی نـام شـمـوشَـگ بـوُتَـگ. نـدکـار : سَـرمَـچـار تـو چے کـارءُ بـارے کـنَـگءَئَے ؟ سَـرمَـچـار : مَـروچـاں بـے کـاراں. نـدکـار: سَـرمَـچـار تـو زان ئَے کـہ مـاں کـُـجـام ڈیـہءَ نِـشـتَـگ ئَے ؟ سَـرمَـچـار : هَـو واجَـہ مـن مـاں بـلـوچـڈیـہءَ نِـشـتَـگـاں . نـدکـار: بـلـوچـڈیـہ مـاں گـُـلـزُمـیـنءِ کـجـام بَـهـرءَ اِنـت؟ سَـرمَـچـار : یَـکّ چُـنـڈے اے نـیـمَـگءَ اِنـت ءُ یَـکّ چُـنـڈے آ نِـیـمَـگءَ اِنت ءُ چُنڈے دِگے ماں آ دِگے نِـیـمَـگءَ اِنت . نـدکـار : تـو مـاں کُـجـام چُـنـڈءِ سـرا نـشـتَـگ ئَے ؟ سَـرمَـچـار : بَـرے اِے چُـنـڈءِ سـرا بَـرے آ چُـنـڈءِ سـرا بَـلے سـیـمـی چُـنـڈءِ سَـرا مَـنـی رَوَگ ءُ آیَـگ نیست اِنـت. نـدکـار : سَـرمَـچـار تـئـی واجَـہ کے اِنـت؟ سـرمـچـار : مـنـی واجَـہ هـاوَنـد اِنـت!!. نَـدکـار: مـنـی بـزانـت اِیـش انـت کـہ تـئـی رَهــدَربَـر کے اِنـت؟ سَـرمَـچـار : اے نـیـمَگءِ واجَـہ مـئے راجءِ دُژمـن اِنـت ، آ نِـیـمَـگءِ واجَـہ مـئے نـیـگـراهءِ دَژمـن اِنـت ، آدگے نِـیـمَـگ ءِ واجَـہ مـئے راجءُ نِـیـگـراهءِ دُژمـن اِنـت. نَـدکـار : اے چـوں سَـرمَـچـار؟ سَـرمَـچـار : یَـک واجَـہے مـارا پُــلءُ پـانـچ کـنـت ، یَـکّ واجَـهـے مـارا جَـنـتءُ چـوپ ایـت ، یَـکّے مـئـے بُـنـیـاتءَ بُـنـکـوچ کـنـت. نـدکـار : چـو کـہ تـو گـوَشَـگءَئَے شـمـا وَ سَـکّ اَزاب اِت. سَرمَـچـار: هَـو واجَـہ . نَـدکـار : گـڑا شـمـا پـہ وَتءَ جُـهـدےءَ گـُـلائـیـش اِت کـہ یَـک روچے چـہ اے زوراکـاں بـہ رَکّ اِت؟ سَـرمَـچـار : چـونـیـں جُـهـدے واجَـہ؟ نـدکـار : وَت واجَـهـیءِ جُـهــد . سَـرمَـچـار : نـاں واجَـہ اے گـپءَ مـہ گـوَش ، بَـسّ اَنـت هَـمـا بَـدواهـاں کـہ مـئے سـراِش گـار کـرتَـگ ، دگے لَـهـتےءَ وَتـی سـراں بـار بـہ کـن ایـں؟ نَـدکـار : سَـرمَـچـار تـو زانـتے وَنـتَـگ؟ سَرمَچار : اے زانـت چـی ئے واجَـہ؟ نَـدکـار : زانـت وانَـگءُ نُـبـیـسّـگ. سَـرمَـچـار: هَـو واجَـہ کـمّے اوں وَنـتَـگ . نَـدکـار: پَـرچـا کـمّے وَنتَگ اِت ؟ سَـرمَـچـار : چـہ بُـنـداتءَ وانَـگـجـاه نـیـسـت اَت ، پَــدا وانَـگی (کـتـاب ) دَسـتءَ نـہ کـپـت اَنـت ، رَنــدا مَـنـی جـنـد رُسـتءُ مَـزَں بـوُت. نَـدکـار : سَـرمَـچـار تـو چُـنـت سـانـگ کـُـرتَـگ ؟ سَـرمَـچـار : سَـے سـانـگ سـاریءَ کـُـرتَـگ نـوں چـارُمـیءَ گـُـلائـیـشـاں. نـدکـار : تـو سَے سـانـگ کـُـرتَـگ ، چـارُمـیءَ گـُـلائـیـش ئَے ؟ سَـرمَـچـار: هَـو واجَـہ اولی زال چُـکّےءِ سَـرا بـیـراں بـوُتَـگ ، دُئـیـں زال هَـسـت اَنـت ، نـوں دگـرےءِ سـانـگ کـنَـگءَ گـُـلائـیـشـاں. نَـدکـار : پَـرچـا دگے سـانـگے کـن ئَے زانءَ تـئـی اے دُئـیـں زالاں چُـکّ نـیـسـت؟ سَـرمَـچـار: نـاں واجَـہ اے گـپ نَے اِنـت بـلے چـے بـہ کـنـاں اے شُـتَـگـیـں دُنـیـاءَ چُـشـیـں نِـهـادے نـیـسـت کـہ مَـردُم وَتءَ وَشّـهـال مـہ کـنـت. نـدکـار : سـرمَـچـار تـئـی چُـکّ چُـنـت اَنـت؟ سَـرمَـچـار : هـاوَنــدءِ مـال اَنـت مـنـی سَـرجَـمـیـں چُـکّ ۱۰ مَـردیـن چُـکّ اَنـت ءُ ۷ جَـنـیـن چُـکّ اَنـت. نـدکـار : نـام هُــدا …. وانَـگءَ اَنـت؟ سَـرمَـچـار : جـی هَـو یَـکّے وانَـگءَاِنـت. نـدکـار : چـہ ۱۷ چُـکّ ایـوَکءَ یَـکّے وانَـگ اِنـت ؟ پَـرچـا آدگے چُـکّ وانَـگءَ نَے اَنـت؟ سَـرمَـچـار : واجـہ آدگے مَـردیـں چُـکّـاں وَتءَ نُـکـس کـُـرتَـگ. نـدکـار : مُـرتَـگ اَنـت؟ سـرمـچـار : نـاں واجـہ مـنـی چُـکّـاں چـو مـہ گـوَشّ آ زنـدَگ اَنـت. نـدکـار : واجَـہ سـرمَـچـار پَـهـل کـن اَچـا تـئـی چُـکّ کـجـا اَنـت؟ سـرمَـچـار : واجَـہ تـرا چـے بـہ گـوَشـاں اے زَمـانَـگءِ چُـکّ سـرپَـد نـہ بَـنـت مـنـی چـار چُـکّ مـاں بَـنـدیـگـجـاهءَ بَـنـداَنـت ، یَـکّے لـوگءَ نـشـتَـگ ءُ دَوا کشّ ایـت ، دوچُـکّ واجَـهےءِ مـوٹــلءِ سـرا کـارءَاَنـت ، آدگے دو چُـکّ دَنـیـگـا گـونـڈواَنـت ، یَـکّے وانَـگءَاِنـت. نـدکـار : تـئـی چـار چُـکّ پَـرچـا بَـنـد اَنـت؟ سـرمـچـار: دو چُـکّ مـردمے کـُـشـتَـگ ، آدگے دو چُـکّ دَواءِ بُـهـا کـنَـگءِ جُـرمءَ گـرَگ بـوُتَـگ اَنـت. نـدکـار: تـئـی آدگے دوچُـکّ کـہ مـوٹـلےءِ سـرا کـارءَ اَنـت کـارءُ بـاراِش شـرّاِنـت؟ سـرمَـچـار: هَـو شـرّاِنـت بـلے ایـوَکءَ پـہ وَتـی لاپ ءِ هَــرجءَ تُـکــش اَنـت مَـنـی هَـیـالءَ نـہ کـپ اَنـت. نـدکـار : اے چـوں سَـرمـچـار؟ سـرمَـچـار : پَـمـیـشـا کـہ دَوا کـشّ اَنـت ءُ مـهـلـوُکءِ وامـداراَنـت. نَـدکـار : اگـاں تـئـی کـسـانـیـں چُـکّ سـیـاهـیـں دوا کـشّـگءَاَنـت گــڑا تـئـی مـسـتـریـں چُـکّ چـونـیـں دَوا کـشّـگءَاَنـت. سـرمَـچـار: واجَـہ مـسـتـریـں چُـکّـانـی جُـسـتءَ مـہ کـن چُـشـیـں دَوا مـاں دُنـیـاءَ پَـشـت نـہ کـپـتَـگ کـہ مـنـی چُـکّ آرا نـہ کـشّ اَنـت. نـدکـار : چـونـیـں دَوا ؟ سـرمَـچـار : سـیـاهـیـں دَوا ، اسـپـیـتـیـں دَوا ، شـیـشّـگ ، تـرُنـد آپ ، چَـرس ، بَـنـگ ، سـگـریـٹ ، دگـے رَنـگـیـں لِـهـتے دَوا هَـسـت اَنـت کـہ مـن نـام اِش نـہ زانـاں ، اگـاں دَوا اِش مـہ رَس ایـت گــڑا سـیـاهـیـں زوُمّ ءَ گِـراَنـت آرا سـوچ اَنـت ءُ کـشّ اَنـت ، بَـرے بَـرے گـُــدے مـاں پـٹـرولءَ تَــرّ کـن اَنـت ءُ بـو چـن اَنـت. نَـدکـار : اے گـُـڑا مَـردُمـی چُـکّ وَ نے اَنـت. سَـرمـچـار : هَـو واجَـہ اے چُـکّـاں وَهــد سـرپَـد بـہ کـنـت ، هَـمے چُـکّـانـی سَـٹ اِنـت کـہ مـن مَـهـلـوُکّءِ وامـدار بـوُتّـاں . نَـدکـار : زانءَ تـرا دگے مـهـلـوُکءِ وام هَـم پـراَنـت. سـرمـچـار : جـی هَـو واجَـہ مـهـلـوُکءِ لـهـتے وام دَنـیـگـا مـنـی سـرا پـشـت کـپـتَـگ اَنـت. نـدکـار : تـئـی کـجـام کـار گـَـٹ بـوُتَـگ کـہ تـو چـہ ایـنـچـو مـهـلـوُکءَ وام زُرتَـگ؟ سَـرمـچـار : چـہ اولـی مـوٹــلءِ لَـیـنءُ دَیـنءَ چـار مـلـیـون تُـمُـن وام پَـشـت کـپـتَـگ ، دومـی مـوٹــلءِ لَـیـنءُ دَیـنءَ سَے لَـکّ کـلـدار وام پَـشـت کـپـتَـگ ، آ دگے چُـرتُـک ءُ پُـرتُـکـیـں وام دو مـلـیـون تُـمُـن ءُ لَـکّے کـلـدار بَـنـت . نَـدکـار : بـزاں سَـرجَـمـی شَـش مـلـیـون تُـمُـن ءُ چـار لَـکّ کـلـدارءَ تـو مـهـلـوُکءِ وامـدارے . سـرمـچـار : جـی هَـو واجـہ هَـمـیـنـچُـک اَنـت. نـدکـار : گــڑا تـئـی دوئـیـں مـوٹــل کـارءَ اَنـت؟ سَـرمَـچـار : نـاں واجَـہ دیـراِنـت کـہ مـوٹــل بُـهـا کـنَـگ بـوُت اَنـت ءُ زَرّ اِش هَـم گـارءُ تـار بـوُت اَنـت. نـدکـار : گـڑا تـو دگے کـارءُ بـارے شـوهـازءَئَے کـہ مـهـلـوُکءِ وام دیَـگ بـہ بَـنـت. سَـرمـچـار : نـاں واجَـہ نـوں مـن چـے کـرت کـنـاں . نـدکـار : تـو مُـرت کـن ئَے !.. سَـرمـچـار : چـو مـہ گـوَش واجَـہ مـن دَنـیـگـا چـو پـیـر نَے اوں کـہ بـے مُـراد بـہ بـاں . نَـدکـار : تـئـی زنـد وَ نـیـسـتـیءِ زنــدے . سـرمـچـار : چـوں نـیـسـتـیءِ زنـدے مـن وَ دگے جـاهےءَ زامـاتـاں دگے نـوکـیـں سـیـرے کـنَـگـاں . نَـدکـار : کـمـبَـهـت پـیـسَـریـگـیـں بَـچّ اِت آورت ءُ زَوال کـرت اَنـت ، نـوں بَـسّ اَنـت هَـمـا کـہ رُزوا اَنـت ، سَـرمَـچـار اے بـے مُـرادیـں ڈیـہ ءِ مَـیـار چـی اِنـت کـہ تـو گـوں وَتِـی چُـکّـاں چـو پـیـلُـشــتَـگ ءُ ایـر کـرتَـگ؟ سَـرمَـچـار : مـا چـوں پـیـلُـشـتَـگءُ ایـر کـرتَـگ؟ نـدکـار : سـرمَـچـار تـو وَت چـونـیـں دَوا کـشّـگءَئَے ؟ سَـرمـچـار : نـوں کـہ اسـپـیـتـیـں دَواءِ نِـهـاد گـران اِنـت ءُ چـہ مـنـی واکءُ وَسءَ دَر اِنـت چـیـزے وَهــد اِنـت کـہ سـیـاهـیـں دَوا کـشّـگءَاوں ، سـگـریـٹ ءُ بے سـلـکـیـں مُـشـوک وَ چـہ بُـنـدَرءَ مـن ءَ گـون اَنـت ، لـوگءَ شـومّـیـں زال مـنءَ چـلـیـم کـشّـائـیـن اَنـت ، تـو واجَـهے ، بـازارءَ سَـنـگـتـاں روچے سے چـار بَـرءَ چَـرسُـک ءُ مَـرسُـکے هَـم مـنءَ کـشّـائـیـن اَنـت. نَـدکـار : سَـرمَـچـار بـاز دیـراِنـت کـہ تـو وَتءَ چـو زَوال کـُـرتَـگ؟ سـرمَـچـار: هَـو واجَـہ اے شـوُمـیـں هِـیـل مـاں وَرنـائـیءَ آتـک ءُ مـنـی سَـرءُ بَـهـتـاں کـپـت اَنـت. نـدکـار : سَـرمَـچـار تـئـی چُـکّ چـوں دَواءِ کـشّـگءَ بَـلَـد بـوُت اَنـت؟ سـرمَـچـار : واجَـہ مـئے ڈیـہءِ چـاگِـردءَ بـلَـد کـرت اَنـت. نَـدکـار : ڈیـہءِ چـاگـردءَ بَـلَـد کـرت اَنـت!!..؟ کـمـبَـهـت اے ڈیـہ وَ هَـمـش اِنـت کـہ تـو گـوں وَتـی چُـکّـاں بُـن داتَـگ. سـرمَـچـار: واجَـہ مـا چے کـُـرتَـگ ؟ نَـدکـار: مـاں شـمـئے یَـکّـیـں لـوگءِ تَـهـا شـمـا پـتءُ چُـکّ هَـشـت کـس اِت کـہ دَوا کـشّـگءَاِت ، گــڑا اودا شـمـئے مـیـتَـگءِ مَـهـلـوُکءِ هــال چے اِنـت؟ سـرمَـچـار : واجـہ مـئے مـیـتَـگءِ مـهـلـوُکءَ هُــدا بُـرتَـگ اَنـت بـلے تـو درُهـیـں مـهـلـوُکءِ رزوائـیءِ سَـوَبءَ ایـوَکءَ مـئے سَـرا مَـہ لَـڈ . نـدکـار : شـوُمّـیـں مـوٹ ، تـو اَگـاں ایـوَکءَ وَتـی چُـکّ پـہ الکـاپـیـں راهےءَ بـہ بُـرتـیـن اَنـت تـو مَـهـلـوُکّءَ شَـرّیءِ راهے پـیـش داشـتـگ اَت رَنـدا مـهـلـوُکّءَ هَـم وَتءَ شـرّ کـُـرتَـگ اَت. سـرمَـچـار : واجَـہ مـئے ڈیـہءِ چـاگِــرد وَت کـہ هَـراب اِنـت مـا چے کـرت کـن ایـں ؟ نـدکـار : نـاں سَـرمَـچـار ، ڈیـہءِ چـاگِـرد وَت سـرا هَـراب نـہ بـوُتَـگ ، شـمـئے دابـیـنـاں آرا هَـراب کـرتَـگ ، اگـاں تـو دَوا مـہ کـشـتـیـں تـئـی چُـکّـاں نـہ کـشـتَـگ اَت ، اگـاں تـو وَتـی چُـکّ بـہ چـتـیـن ءُ شـرّ بـہ کـرتـیـن اَنـت مـهـلـوُکءَ هَـم هَـنـچـو کـرتَـگ اَت ، رَنـدا کـمّ کـمّ ءَ مـیـتَـگءِ چـاگِــرد وَت شَـرّ بـوُتَـگ اَت. سَـرمَـچـار : مَـهـلـوُکّ چـوں شَـرّ بـوُتَـگ اَت؟ نَـدکـار : سـرمَـچـار تـو اِشـکـُـتَـگ کـہ زَمـانَـگءِ مـردُمـاں گـوَشـتَـگ : گـوں دیـگءَ بـہ نـنـد ئَے چـو دیـگءَ سـیـاه بـَئے ، گـوں پُــلّءَ بـہ نـنـد ئَے چـو پُــلّ ءَ ڈولـدار بَـئے . سَـرمَـچـار : هَـاں !!!. نـدکـار : مَـرگ هـاں ، کـمـبَـهـت تـو وَتـی لـوگ گـَـهـیـنـتَـگ ، چـہ تـئـی لـوگءَ سَـرجَـمـیـں مـیـتَـگ گـهـتَـگ ءُ تـو وَت هِـچّ هـالےءَ سـرپَــد نَـهـے زار پـہ سَـر تـو چـونـیـں بَـلـوچےءِ کـہ تـئـی هِـچّ کِـردے بـلـوچـی کِـردءِ رَنـگءَ نَے اَنـت. سَـرمَـچـار : واجَـہ ایـوَکءَ مـن چے کـرت کـنـاں ؟ نَـدکـار: تـو سـاریءَ وَتءَ شَـرّ بـہ کـن ، دواءِ کـشّـگءَ اَنـگـار بـہ کـن ، رَندا وَتـی چُـکّـاں سـرپَـد بـہ کـن کـہ دَواءِ کـشّـگ سِـلّـیـں کـارے مـن کـہ شـمـئے پـتـاں چـہ دَواءِ کـشّـگءَ شـومـان اوں ، آیـانءَ هُـجّ بـہ کـن کـہ دَواءِ کـشّـگءَ اَنـگـار بـہ کـن اَنـت. سَـرمَـچـار : واجَـہ اگـاں دَواءِ کـشّـگ اِش اَنـگـار نـہ کـرت گـڑا مـن چـوں بـہ کـنـاں؟ نـدکـار: تـو آیـانـی رَنـدءَ یَـلَـہ مـہ کـن تـاں کـہ دَواءِ کـشّـگءَ اَنـگـار بـہ کـن اَنـت تـو آیـانـی پـت ءِ آیـانءَ پـہ راسـتـیـں راهءِ کـارَگ تـئـی پَـرزاِنـت ، تـو وَتـی درُهـیـں زورءَ بـہ چَـکّـاس ، اوَل پـہ سَـرءُ سـوج ، پَـدا پـہ چَـمّ سُـهــرءُ تُـرسـیـنَـگ ، رَنـدا پـہ لُـٹ ءُ کـٹ ، بـلے پـہ راه اِش بـیـار وَهــدے کـہ آ بـہ زان اَنـت کـہ تـو وَت پـہ راسـتـیـں راهءَ رَوَگءَئَے آ هَـم تـئـی رَنـدءَ کـایَـنـت تـئـی کـشءَ اوشـت اَنـت . تـئـی وامـدار وَهـدے سـرپَـد بـہ بَـنـت کـہ تـو دَوا ءُ درمـانءِ کـشّـگءَ یَـلـہ داتَـگ اَنـت تـرا پـہ وامـانی دَیَـگءَ گـیـشـتـر مـوه دَے اَنـت . سـرمَـچـار : واجَـہ اگـاں مـنـی جُـهـد کـامـیـات نـہ بـوُت اَنـت گـڑا چـوں بـہ کـنـاں؟ نـدکـار: اگـاں تـئـی ءُ تـئـی لـوگءِ مَـهـلـوُک ءِ جُـهـد کـامـیـات نـہ بـوُت اَنـت گـڑا تـو وَتـی چُـکّـاں بـہ کـُـش ءُ گـورّے ءَ چَـگـل بـہ دَے . سَـرمَـچـار : وَتـی چُـکّاں بـہ کـشـاں ءُ گـورّےءَ چَـگـل بـہ دیـاں!!.. واجـہ تـو چـونـیـں گـپے جَـنَـگءَئَے؟ نَـدکـار : سَـرمَـچـار اے وَ چُـکّ نَے اَنـت کـہ تـو آورتَـگءُ رودیـنـتَـگ اَنـت اے نـادراهـی اَنـت کـہ تـو پـہ وَتـی ڈیـہءِ راجءَ جـواں کـرتَـگ اَنـت. سَـرمَـچـار : مـنـی چُـکّ نـادراهـی اَنـت؟ نـدکـار : هَـو سـرمَـچـار تـئـی چُـکّ مُـلـکءِ چـاگِـردءِ نـادراهـی اَنـت تـئـی چُـکّ اَگـاں دَواءِ کــشّــگءَ یَـلـہ مـہ کـن اَنـت بے تـئـی کـُـشَـگءَ آ وَت یَـکّ ءُ یـکّءَ مِـراَنـتءُ رَواَنـت پـیـسَـر کـہ اے نـادراهـی سَـجّـهـیـں ڈیـہءَ پَـتـائـیـت تـو وَت آیـانـی نـادراهـیءَ اِلاج بـہ کـن شــمـا ایـوَکءَ چُـکّ ءِ کـارَگءَ زان اِت بَـلے چُـکّـانـی اَلکـاپـیـں رودیـنَـگ ءُ وانـیـنَـگءَ نـہ زان اِت ، کـمـبَـهـت تـرا مَـهـلـوُکءِ شَـست لَـکّ تُـمُـن ءُ چـار لَکّ کـلـدار وام پـراَنـت تـئـی جـنـد بے کـار اِنـت بَـلے تـو سـیـاهءُ اسـپـیـتـیـں دَوا کـشّـگءَئَے دلـمـانَـگ ئَے کـہ دگے سـانـگے بـہ کـن ئَے اودا تـو دو زال گـوں ۱۷ چُـکّءَ در رَمـبـیـنـتَـگ اَنـت ءُ تـو وَت چـو سـالـونـکےءَ مـاں مـیـتَـگءِ تـنـکـاں مَــلّگءَئَے بے هـوش ءُ بـے سُــدّ مـهـلوُک ءَ لَـپـاشَگءُ روَگءَئَے مـورے هَـم مـاں تـئـی گـوشءَ نـہ گـوزایـت کـہ تـرا سـرپَــد بـہ کـنـت تـئـی مُـلـکءِ رَهـدَربَـرءُ سَـردار کے اَنـت ؟ تـئـی راجءِ هَـکّاں کے وَرَگ اِنـت ؟ شـومّ مـوٹ تـو وَ هـچّ نـہ زان ئَے کـہ کُـجـا نـشـتَـگ ئَے. سـرمَـچـار : هَـو واجَـہ هـاوَنــد وَت مـئے راجءَ شَـرّ بـہ کـنـت کـہ وَت وَتـی ڈیـہءَ آبـات بـہ کـنـت. نـدکـار : هــاوَنــد کـسءِ ڈیـہءَ آبـات نـہ کـرتَـگ کـہ تـئـی ڈیـہءَ آبـات بـہ کـنـت دُنـیـاءِ آدگے راجـاں وَتـی ڈیـہ وَت آبـات کـرتَـگ اَنـت ، هـاوَنــد کےءَ شـرّ بـہ کـنـت ؟ تـرا یـاں تـئـی چُـکّـاں ؟ یـاں تـئـی مـیـتَـگءِآدگے مَـهـلـوُکءَ کـہ تـو ءُ تـئـی چُـکّـاں چـہ کـٹءُ کـارءَ بُـرتَـگ اَنـت ، کـمـبَـهـت تـو وَتـی لـوگ پـہ وَتـی دَسـتـاں مـانـداشـتَـگ نـوں نـشـتَـگءُ مُـلـکءِ چـاگِـردءَ مَـیـاریـگ کـنَـگءَئَے تـو وَ هـنـچـیـں کـار کـرتَـگ کـہ شَـیـتـان هَـم تـرا درگـوَز مـہ کـنـت اے بـَزّگـیـں ڈیـہ ءُ راجءِ سـرا چـہ تـو مـسـتـریـں شـیـتـان کـس بـوُت نـہ کـنـت تـو اگـاں وَتـی چُـکّ الکـاپءَ بـہ رودیـنـتـیـن اَنـت بَـلکـیـں مـروچـی یَـکّے چـہ آیـاں مُـلـکءِ رَهــدَربَـر بـوُتَـگ اَت وَتـی راجءِ پـہ آجـوئـیءُ آبـاتـیءِ راهءَ شـوں کـرتَـگ اَت بـلے تـو وَت ڈبـتَـگ ئَے ءُ وَتـی چُـکّ اِت هَـم گـوں وَتءَ ڈبّـیـنـتَـگ اَنـت . سَـرمَـچـار : واجَـہ تـو مـروچـی مـنـی کـوریـں چَـمّ پَـچ کـرت اَنـت نـوں مـنءَ روژنـائـیـں راهءَ سـرءُ سـوج بـہ کـن کـہ مـن وَتـی کـاروانءِ بـوجـیگءَ چـہ اے چـاگِـردءِ چـڈگءَ بـہ کـشّـاں . نَـدکـار : سَـرمَـچـار تـو گـوَشـت تـئـی یَـکّ چُـکّے وانَـگ اِنـت . سـرمَـچـار : جـی هَـو واجَـہ آ هَـشـتُـمـی رِدءِ چَـکّـاسءَ کـامـیـات بـوُتَـگ . نَـدکـار : هَـمے چُـکّ تـئـی تـهـاریـں راهءِ چـراگ اِنـت. سَـرمَـچـار: چـوں ؟ چـہ پَـیـم واجـہ ؟ نَـدکـار : هَـمے چُـکّ یکّ روچے تـئـی کـاروانءِ بـوجـیـگءَ چـہ چـڈگءِ مـیـنءَ کـشّ ایـت ءُ پـہ راسـتـیءِ تِـچـکـیـں راهءَ شـون کـنـت بـلے پـہ هــاوَنــدءَ بـچـار آدگے چُکّـانـی سـاهِـگءَ مَـیـل کے ایـشـیءِ سـرا بـہ کـپ ایـت . تـئـی چـوٹـیـں اُسـتـادیءَ آدگے چُـکّ زوال کـرتَـگ اَنـت نـوں پـہ ایـشـیءِ رودیـنَـگءَ تـو وَتـی راسـتـیـں اُسـتـادیءَ کـارمَـرز بـہ کـن . سـرمـچـار : واجـہ چـو کـہ مـن گـنـدَگءَاوں تـو پـہ مـا آزمـانءِ پـریـشـتَـگے ءِ تـئـی پـیـمـیـں زانـتـکـاریـں نـدکـار مـئے راجءَ سَـکّ ازکـاراَنـت بـانـدات مـن وَتـی چُکّءَ تـئـی گـورءَ کـاراں تـو آرا لـهـتے سَـرءُ سـوج بـہ کـن پـرچـا کـہ مـنءَ گـوں مـنـی وَتـی لـوگءِ مـهـلـوُکّءَ نـهـادے نـیـسـت پَـمـیـشءَ مـن شـور کـرتَـگ کـہ دگے سـانـگے بـہ کـنـاں. نـدکـار: تـو دگے سـانـگءِ کـنَـگءَ اَنـگـار بـہ کـن نـوں تـو هَـمے زالانـی چُـکّـاں بـہ چـن ءُ سَـلّـہ بـہ کـن تـاں کـہ ڈیـہءِ چـاگـردءَ گـیـشـتـر مـہ گـهـیـن اَنـت. سَـرمـچـار : جـی هَـو واجـہ شـرّ اِنـت دگے سـانگ نـہ کـنـاں بـلے واجـہ بـانـداتءَ مـن تـرا کـجـا بـہ گـنداں ؟ نـدکـار : بـانـدات مـن تـرا هَـمے جـاگہءَ گـنـداں . دومـی روچءَ سـرمـچـارءَ وَتـی چُـکّ نـدکـارءِ گـورءَ آورت . نـدکـار : اَبّـا تـئـی نـام کے اِنـت. سَـرمَـچـارءِ چُـکّ : واجـہ مـنـی نـام کـیـهـا اِنـت. نـدکـار : کـیـهـا جـان تـو چُـنـتُـمی ردءَ وانَـگءَئَے ؟ کـیـهـا : واجَـہ اے سـالءَ هَـشـتُـمی ردءَ پـاس بـوُتَـگـاں. نـدکـار : نـام هُـدا ، شـابـاش کـیـهـا جـان ، هَـمے شـرّیـں راهے کـہ تـو رَوَگءَئَے تـئـی پـتءُ بـراتـاں راسـتـیـں راهءَ گـار کـرتَـگ بـلے مـنـی چُـکّ تـو وتءَ گـار مـہ کـن وانَـگءِ سُـهـر کـپ کـہ تـئـی دسـتءَاِنـت تـئـی راهءَ روژنـا کـنـت بـانـداتءَ زانـت تـرا پـہ شـرّیـں مـنـزلے بـارت ءُ سَـر کـنـت هَــر کـس کـہ تـئـی رَنـدگـیـریءَ بـہ کـنـت آیـانی راه هَـم روژنـا بـیـت مـن جـزمـاں کـہ شـمـا نـوگـلـگـیـں وَرنـایـاں کـمّ کـمّ ءَ سـجّـهـیـں راجءِ راهءَ روژنـا کـن اِت کـیـهـا جـان تـو وَتـی پـتءُ بـراتـانـی هـالءَ پـہ وَتـی چـمّـاں گـنـدگے کـہ آیـانءَ پـہ وَتءَ مَـرگءِ راهءَ گـچـیـن کـرتَـگ چُـشـیـں مَـهـلـوُک پـہ مـئے ڈیـہءَ بَـلاهـیـں نُـکـس اَنـت بـلـوچـڈیـہءَ کـواسـیـں بَـچّ ءُ جَـنـِکّ ازکـاراِنـت تـاں مـئے راجءِ کـاروانءَ آجـوئـیءِ مـنـزلءَ سَـر بـہ کـن اَنـت کـیـهـا جـان اگـاں تـو وَتـی پـتءُ بـراتـانءَ پـہ شَـرّیـں دیـدے بـہ چـارئَے گــڑا وَتءَ دَرگـپـت کـن ئَے رَنـدا زان ئَے کـہ الکـاپـیـں زنـد ءِ نـهـاد سَـکّ بـازاِنـت مـروچـی مـئے راج هَـنـچـیـں جـاهےءَ اوشـتـاتَـگ کـہ آئـیءِ دَسـت گِـرَگ ءُ دیـمـا بَـرَگ لـوٹ ایـت اگـاں نـاں بُـنءَ کـپ ایـت مـئے راجءِ بـے زانـتـیءِ سَـوَب اِنـت کـہ وَت واجَـهـی چـہ آئـیءِ دسـتءَ شُـتَـگ اے بَـلاهـیـں ڈیـہ دَریـنـاں گـون اِنـت لَـهـتے شـام پـنـڈیـں سَـردار گـوں لَـهـتے ٹـگءُ نـامءِ رَهــدَربَــر گـوں بَـدواهـیـں زوراکـاں هـور اَنـت مـئے راجءِ گـلُکءَ سُـوار اَنـت نـاتُـپـاکیءُ نـازانـتـیءَ مـئے راجءِ چَـمّ بَـنـد کـرتَـگ اَنـت چـو دَلـوَتـانـی وَڑءَ وَتـی زنـد ءَ بـے آجـوئـیءَ گـوازیـنَـگ اَنـت نـوں شما نـوگـلـگـیـں چُـکّـاں وَتـی چـمّـاں پَـچ بـہ کـن اِت زوراک ءُ بـدواهـانـی پـجّـارءَ بـہ زان اِت شَـرّیـں هـوش چـہ بـازیـں وانَـگءَ جـوان بَـنـت زوراکءُ بَـدواه لـوٹـگ اَنـت کـہ مـا مُـجَـتـی کـورءُ بے زانـت بـہ مـان ایـں تـاں کـہ آیـانـی دیـمـا اوشـتـوک مـہ بـیـت آ لـوٹ اَنـت کـہ مـا تـاں ابَـد آیـانـی گـلامـیءَ بـہ کـن ایـں آ تُـرسَـگءَاَنـت کـہ اگـاں بـلـوچ زانـتـکارءُ کـواس بـہ بَـنـت گــڑا آیـانـی وَت واجَـهـی چـہ دَسـتءَ رَوت ءُ گـار بـیـت پَـمـیـشـا مـئے ڈیـہ اِش چـہ سـیـاهءُ اسـپـیـتـیـں دَوا پُـرّ کـرتَـگ تـاں کـہ مـا بـہ کـشّ ایـں ءُ وَتءَ تـبـاه بـہ کـن ایـں هِـجـبَـر مـئے دَسـت پـہ آیـانـی گـوَرجـیـگءَ مـہ رَس اَنـت . کـیـهـا : واجَـہ نـدکـار تـئـی بـاز مـنـتـواراں کـہ تـو مـنءَ سـرپَـدی دات مـنـی دلءَ لـوٹـتَـگ کـہ وانَـگءَ پـہ بُـن اَنگـار بـہ کـنـاں پـرچـا کـہ مـنـی پـتءُ مـنـی بـراتتاں مـنءَ دلـپـروش کـرتَـگ واجَـہ تـو یک دَمـانـے بـیـا مـئے لـوگءَ بـچـار کـہ مـا پـہ کـجـام رزوائـیءَ زنـدگ ایـں مـاں مـئے لـوگءَ بـیـسـت کـس لاپ ءِ شُـدیگ اَنـت ءُ مـئے پـت دگے سـانـگےءِ شـوهـاز اِنـت مـنـی گـُـهـارانـی پُـچ درتَـگ اَنـت بـلے مـنـی بـرات سـیـاهءُ اسـپـیـتـیـں دَوا کـشّ اَنـت مـاں وَتـی جـوڈ کـرتَـگـیـں سـلّـیـں چـاگِـردءَ گـاراَنـت . نـدکـار : کـیـهـا جـان هَـنـچـو کـہ مـن تـئـی پـتءَ دیـسـت مـن زانـت کـہ چـہ راهءَ گِـسَـر اِنـت پَـمـیـشـا مـهـلـوکءَ لـپـاشَـگءُ رَوَگءَ اِنـت بـلے نـوں تـئـی واجَـهـیـں پـتءَ مـنءَ بـلـوچـی لَـبـزے داتَـگ کـہ آ وَتـی سِـنـچءَ شـرّ کـنـت رَنـدا تـئـی بـراتـانءَ چـنـتءُ شـرّ کـنـت مـنءَ چـہ شـمـا دزبَـنـدی اِنـت کـہ شـمـا سَـرجَـمـیـں چُکّ وَتـی پـتءَ پـہ اے کـارءَ مَـدَت بـہ کـن اِت تـاں کـہ شـمـئے پـت چـہ دَوایـانـی گـاسءَ بـہ رَکّ ایـت رَنـدا آ تـئـی بـراتـانءَ یَکّ ءُ یَکّءَ چـنـتءُ شـرّ کـنـت. کـیـهـا : واجَـہ نـوں مـا رَوَایـں بـلے اگـاں مـن پـہ چـیـزےءَ گــٹ بـوُتّـاں گــڑا واجَـہ تـرا کـجـا دَرگـپـت بـہ کــنـاں؟. نَـدکـار : نـوں تـرا مـنـی شـوهـاز کـنَـگ پَـکـار نـہ بـیـت مـن مُـدام تـئـی کـشءَ اوشـتـاں. سـرمـچـار : واجَـہ نـدکـار تـئـی بـاز مـنـتـواراں نـوں مـا رَوایـں تـو هـاوَنـدءِ بـاهـوٹ بـات ئَے. نَـدکـار : هَـو سَـرمَـچـار وَشّ اِنـت شـمـا هَـم هـاوَنـدءِ بـاهـوٹ بـات اِت . سـرمـچـارءُ کـیـهـا لـوگءَ شـت اَنـت نـوں سـرمَـچـارءِ گـاریـں هـوش واتـرّ کـرتَـگ اَت آ وَتـی رَدیّـاں مـارَگءَاَت هَـنـچـو کـہ آ ماں لـوگءَ رَس اِت اَنـت آئـیءَ وَتـی دوئـیـں زال تـوار جَـت اَنـت آئـیءَ گـوَشـت مـروچـی مـن ماں اے بـانءِ تـهـا گـوَزاں شـمـا بـانءِ دروازَگءَ چـہ دَرا کـُـبـل بـہ کـن اِت مـنءَ چـہ بـانءِ تـاگءَ آپءُ تـام بـہ کـن اِت مـن هـرچـا کـوکّـارءُ پـریـات بـہ کـنـاں شـمـا گـوش مَـداراِت پَـنـچ روچءَ رَنـد بـانءِ دروازَگءَ پَـچ بـہ کـن اِت آئـیءَ وَتـی زال سـرپَـد کـرت اَنـت وَت شـت مـاں بـانءِ تـهـا وَپـت. کـیـهـا ءِ مـات : بَـچَـک کـیـهـا تـو ادءَ بـیـا مَـروچـی تـئـی پـتءَ چـون اِنـت گـنـوکـیـاں گـپـتَـگ؟ کـیـهـا : نـاں مـنـی مـات مـروچـی اولـی بـراِنـت کـہ مـنـی پـت پـہ سـار اِنـت پـیـسَـرا آ گـنـوک بـوُتَـگ چـہ واجَـہ نَـدکـارءِ بـازیـں سَـرءُ سـوجـاں نـوکـی مـنـی پـتءِ هـوش آتـکـگ مـنـی پـت دَواءِ کـشّـگءَ یـلـہ کـنَـگءَ اِنـت نـوں مـا ءُ شـمـا درُهـا آرا مـدَت بـہ کـن ایـں . کـیـهـا ءِ مـات : هـاوَنـد آرا هَـنـچـو مـاں دِل بـہ دَنـت هـاوَنـد آئـیءِ دلءَ هـمّـت بـہ دَنـت نـوں تـو زوُت کـن مـنـی چُـکّ بُـرو آ مـزنـیـں کـبـلءَ بـیـار مـن اے دروازَگ ءَ هـنـچـو کـبـل بـہ کـنـان کـہ شـیـتـان مـاں اے بـانءَ گـوَسـت مـہ کـنـت. سَـرمَـچـار تـاں پـنـچ روچ وَتءَ مـاں بـانءِ تـهـا بَـنـد کـرت آئـیءِ پـریـات آزمـانءَ شـت اَنـت بـلے کـسءَ بـانءِ دروازگ پـچ نـہ کـرت پـنـچ روچءَ رَنـد سـرمـچـارءِ درُهـیـں شـیـتـاں چـہ آئـیءِ دلءُ لاپءَ دراتـکءُ شُـت اَنـت پـنـچُـمـی روچءَ سـرمـچـارءِ دوئـیـں زالاں بـانءِ دروازَگ پـچ کـرت سـرمـچـار اِش چـہ بـانءَ کـشّ اِت آئـیءِ سَـرءُ جـان اِش شـشـت اَنـت الـکـاپـیـن پـچ اِش گـورءَ دات اَنـت سـرمـَچـار مَـسـیـتءَ نـمـازءِ وانَـگءَ شـُـت اودا بـاز مـهـلـوُکءَ هَـمـبـاز کـُـرت ءُ دلـبـڈی دات لَـهـتےءَ تـنـزّ دات ءُ ایـر جَـت کـہ دوا کـشّـوکـانءَ اهـتـبـار نـیـسـت آ مُـدام دَواءِ کــشّـگ ءَ یـلـہ کـن اَنـت بـلے پـدا کـشّ اَنـت سَـرمـچـارءَ هـچّ نـہ گـوَشـت آ زانـت کـہ مَـهـلـوُکّ مَـیـاریـگ نَے اَنـت نُـمـازءَ رَنـد سـرمَـچـار وَتـی لـوگءَ شـُـت اودا آئـیءِ دوئـیـں زالاں وَتءَ سَـمـبَـهـیـنـتَـگءُ بـانـور کـُـرتَـگ اَت سَـرمـچـارءِ وَداریـگ اِتـنـت سـرمَـچـارءِ مَـردیـن ءُ جـنـیـں چُـکّ پـہ ادَب نـِـشـتَـگ اِتــنـت سَـرمَـچـار چـہ آهـانـی هـمـکـاریءَ بـاز دلـوَشّ اَت نـوں آ شـرّیـں زنـدءِ کــدرءَ زانَـگ اَت دومـی روچءَ سـرمـچـارءَ وَتـی چُـکّ مـاں بـانءِ تـهـا بـَنـد کـرت آ کـہ وَشّ بـوُت پـدا سـرمـچـارءَ آدگے چُـکّ مـاں بـانءَ بـنـد کـرت تـاں کـہ آئـیءَ وَتـی لـوگ چـہ دواءِ کـَـشّـوکـاں سَـپـا ءُ سَـلّـہ کـرت آئـیءِ چُـکّ درُهـا پَـنـچ وَهــدءِ نُـمـازی بـوُت اَنـت سـرمَـچـار شـرّیـں کـارےءَ لـگ اِت کــمّ کــمّ ءَ آئـیءَ وَتـی چُـکّ هَـم پـہ کــارءِ کـنَـگءَ شـوں کـُـرت اَنـت آئـیءَ وَتـی وام دات اَنـت لَـهـتے دگے زَرّ وامـداراں پَـهـلّ ءُ درگـوَز کـرت اَنـت سَـرمـچـارءِ آ چُـکّ کـہ مـاں بَــنـدیـگـجـاهءَ بـنـد اِتـنـت آ هَـم یـلـہ کـنَـگ بـوُت ءُ وَتـی لـوگءَ آتـک اَنـت کـیـهـاءَ هَـم وَتـی وانَـگ آسَـر کـُـرت ءُ شـرّیـں کـارےءَ لـگ اِت نـوں سَـرمـچـار وَشـهـال ءُ سـراگـاه اَت یـک روچے نـدکار مـاں سـرمـچـارءِ مـیـتَـگءَ آتـک اودا مـسـیـتءِ تـهـا نَـدکـار گـوں سـرمـچـارءَ دُچـار کـپـت نـدکـارءَ سـرمـچـار هَـمـبـاز کـرت سـرمَچـارءَ نَـدکـار وَتـی لـوگءَ بُـرت . سَـرمـچـار : واجَـہ نـدکــار وَشّ آتـک ئے بَـهـتـاوَر تـو مـروچـاں هـچّ گـنـدَگ نـہ بـئے ؟ مـن مُـدام تـئـی رَهـچـار بـوُتـگـاں کـہ تـرا مـاں وَتـی لـوگءَ بـیـاراں ءُ تـئـی مـنّـتءَ بـہ گِـراں پـہ تـو هـزمـتے بـہ کـنـاں پـرچـا کـہ مـنـی زنـدءِ سـلّـیـں چـاگِـرد تـو بَـدَل کـرت تـو مـاں مـنـی زنـدءَ وَشّـهـالـی آورت اگـاں تـو مـنءَ شـرّیـں سـرءُ سـوج مـہ داتـیـں مـروچـیءَ هـاوَنـد بـہ زانـتـیـں کـہ مـنءُ مـنـی لـوگءِ مـهـلوُک مـاں کـجـام کـورچـاتءَ کـپـتَـگ ءُ بـیـگــواه اِتـیـں واجَـہ تـو مـارا چـہ کـورچـات ءِ تـهـاریءَ کـشّ اِت ءُ مـاں روچءِ روژنـائـیءَ ایـر کـُـرت مـا تـئـی بـاز بـاز مـنـتـوارایـں واجَـہ تـو هُـگـم کـن مـا پـہ تـو چے کـرت کـن ایـں . نَـدکـار : سَــرمَـچـار تـرا شـابـاش بـات تـو وَتـی بـلـوچـی لـبـز پـہ مَـردیءَ آسَــر کـرت تـرا تـئـی نـوکـیـں زنـد مـبـارَک بـات بـلے دَنـیـگـا تـئـی کـار نـیـم تَـوام اِنـت. سـرمَـچـار : نـیـم تَـوام اِنـت !!. زانءَ دگے چے پَـشـت کـپـتَـگ واجـہ!!۔. نَـدکـار : سـرمـچـار تـو ایـوَکءَ وَتـی لـوگ چـہ تـهـا سَـپـا ءُ سـلّـہ کـرتَـگ بـلے تـئـی لـوگءِ چـاگِـرد دَنـیـگـا سِـلّ اِنـت . سَـرمَـچـار : مَـنـی لـوگءِ چـاگِـرد !!.. تـئـی بـزانـت اِیـش کـہ مـنـی مـیـتَـگءِ مـهـلـوُک . نَـدکـار : هَـو سـرمَـچـار تـئـی مـیـتَـگ تـئـی لـوگءِ چـاگـرد اِنـت لـوگ چـہ تـهـا هَـرچـا سَـپـا بـہ بـیـت بـلے لـوگءِ چـاگِـرد اگـاں سَـپـا مـہ بـیـت سـلّـی پـدا چَـہ دَرا کـیـت مـاں تـئـی لـوگءَ گـوَزایـت پـدا تـئـی لـوگءِ تـهـا سِـلّ کـنـت نـوں تـو جُـهـد بـہ کـن کـہ وَتـی مـیـتَـگءَ چـہ دَوا بُـهـا کـنـوک ءُ دَوا کـَـشّـوکـاں سَـپـا بـہ کـن وَهـدے کـہ تـئـی لـوگءِ چـاگِـرد سَـپـا بـہ بـیـت گــڑا تـو وَتـی لـوگءِ سَـپـائـیءِ شَـرّیـں تـامءَ چَـش ئَے وَهــدے کـہ شـمـا وَتـی مـیـتَـگءِ چـاگِـرد بَـدَل کـرت گــڑا جُـهـد بـہ کـن اِت ڈیـہءِ چـاگِــردءَ بَـدل بـہ کـن اِت مـنـی واهَـگ هـمـیـش اِنـت کـہ مِـرَگءَ پـیـش وَتـی ڈیـہءِ شـرّیـں چـاگِـردءَ بـہ گِــنـداں . سَـرمـچـار: واجـہ نَـدکـار مـن اِشءَ پـہ وَت پَـهــرے زانـاں کـہ مـئے راجءِ تـهـا تـئـی پـیـمـیـں نـدکـارهَـسـت اَنـت کـہ وَتـی راجءِ وَشـهـالیءِ شـوهـازءَاَنـت. نَـدکـار : سَـرمَـچـار مَـن هِـچّ نـہ کـرتَـگ سَـرمَـچـاری تـو گـوں وَتـی چُـکّـاں کـرتَـگ شـمـا جُـهـد کـُـرتَـگ بـلے گـیـشـتِـر جُـهـد بـہ کـن اِت هَـنـچـو کـہ شـمـا وَتـی لـوگ سَـلّـہ کـُـرتَـگ هَـمے پَـیـم وَتـی مـیـتَـگءَ سَـلّـہ بـہ کـن اِت آ مَـهـلـوُک کـہ تَـراِش سَــرمـچـاریءِ نـام بَـسـتَـگ رَد نـہ بـوُتَـگ مـروچـی زانَـگ بـوُت تـو سَـرمَـچـارےءِ کـیـهـا جـان تـو نـوں زانـتـکـاریـں وَرنـائے ءِ وَتـی راجءُ وَتـی مُـلـکءِ جَـنـجـالءَ سـرپَـد بـوتَـگ ئَے مـنـی چُـکّ گـیـشـتـر جُـهـد بـہ کـن تـاں کـہ تـئـی زانـتءِ بـرَمـش مـئے ڈیـہءَ روژنـا بـہ کـنـت تـاں مـئے کـوریـں راجءَ وَتـی مـنـزلءِ راهءَ پـیـش بـہ دار مَـن اِشـکـُـتَـگ کـہ مـئے مُـلـکءِ زوراک ءُ کـاسَـگ چَـٹـیـں سَـردارءُ نـوابـانءَ لـهـتے مَـهـلـوک زرّ داتَـگ اَنـت کـہ مـنءَ بـہ کـُـش اَنـت ءُ گـار بـہ کـن اَنـت پَـمـیـشـا کـہ مـن وَتـی راجءِ چَـمّـاں پَـچ کـنَـگـاں کـیـهـا جـان اَگـاں مـن اِش کـُـشـت ءُ بـیـراں کـُـرت مـنـی چُـکّ تـو مـنـی جـاهءَ بـہ گِــر دیـمـرَویءِ کـاروانءَ دیـمـا بـہ بَـر مـنـی راسـتـیـں واهَـگءَ دیـمـا بـہ بَـر بـلـوچ راجءَ پـہ یَـکّ نَـدکـارےءِ بیرانی یـلـہ مـہ دَے تـو وَتءَ کـواسـیـں نـدکـارے بـہ کـن وَتـی نــدءَ کـارمَـرز بـہ کـن مـروچـی نـدءِ کـار چـہ تُـپَـنـگءِ کـارءَ کـمـتـر نَے اِنـت مـئے راج مـاں تـهـاریءِ کـورچـاتـاں کـپـتَـگ آئـیءَ دَرآیَـگءِ راهءَ پـیـش بـدار هَـمے شـونَـگءَ چـہ مـئے راجءِ سَـولـیـں بَـچّ ءُ مـاهـیـں جَـنـِکّـاں دگے نـدکـار جـواں بـہ کـن وَهـدے کـہ راجـدوسـتـیـں نـدکـار بـاز بـہ بَـنـت سَـرجَـمـیـں راجءِ چـمّـاں یَـکـپـارُگیءَ پَـچ کـن اَنـت زانـتـکـاریـں نـدکـاراں زوراکءُ بَـدواهـانـی پَـنـدَلءُ سَـرپـوشـیـں رازانءَ بـلـوچ راجءِ دیـمـا پَـچ ریـچ اَنـت ءُ پـاشـک اِش کـن اَنـت آ وَهــدءَ مـئے راج یَکـپـارُگـی بُـسـت کـنـت زوراکـانءَ گـلّـیـن ایـت . نَــدکــار کـہ بــیــت نَــد بـانـگ دَنـت دُزّ ءِ گــــورءَ هَـــــم ژانـــگ دَنـــت پَــشـت کـپـتَـگ اَنـت وابـیـں کـسـاں کــوه ءِ ســرا روت گــوانـک جَـنـت پــہ راج ءُ ڈیــــــــہ ءِ هـــــاتــــــرءَ نـیـگـمَــرد بـیـت نـیـک تـران کـنـت کـَــنــت زات ءُ زریـــــــات ءَ یَــــلـہ مـیـر گـوں گــریـب ءَ سـانـگ دَنـت بَـــدواه اگــاں زرانـکـے جَــن اَنـت آس ءِ تـــهـــا اِش تــیــلانـک دَنـت مَــرگ ءِ سَــمــائــی بـہ نـہ بــیــت زانـــت ءِ زرءَ اوژنــــاگ کـــنـــت زالـــم ســـتَـــر زوراک بـہ بَـــنــت بے تُـــرّه ءُ بے پـــاگ اِش کــنـت مَــرچــی گــریـب ءُ بَے وَس اِنـت بــانـــدات بَــــداں بـے واک کـنـت نــدکــارءِ نَـــــد مـاں سـیـاهَـگءَ هَـــکّ ءِ سَـــرا پـــیـــنـــژار دَنـت ســالــتــاک ءُ مَــهــتــاکـاں رَدیـں روچ ءِ وَڑیــں روچـــتـــاک کـنـت تُــرس ءَ نـہ زانـــت ءُ بُــــــزدِلـی چــو تِــلـک وَتءَ چــالاک کــنــت شَهـمیـر کـہ بـیـت زانـتءِ هکـیـم راج پَـــردَگ ءَ وَت چـــــاکّ دَنـت هِـگـــمَــت هَـکــیــمـی وَپـتَـگـیـں راجـے چـہ واب ءَ پــــــــاد کـنـت نَـــد اَنـگـــــــرءُ نَـــــد اِشـکـَـرے نَــــد دُژمــنــاں بَـــــــربـــاد کـنـت رُژن ءُ نَــــــــد ءُ نــدکـــار یَـلـیـں هَــنــدے چـہ گـَـنـد ءَ پـاک کـنـت ((((( آسَـــــــر ))))) سـوبـیـں بـات اِت بـلـوچـی سـبـز بـات شـمـئے کـسـتـر ادَبـی هکـیـم