زنـدگـیـں مُـردَگ

کمپین فعالین بلوچ . بلوچیء تاک 557

زنـدَگـیـں مَـردُم هَـمـا کـسءَ گـوَش اَنـت کـہ پَـہ وَتءُ دگِـرءَ جُـهـد کـنَـگءَاَنـت ءُ مُـردَگـیـں مَـردُم هَـمـا کـسءَ گـوَش اَنـت کـہ

آ مُـرتـگ ءُ آرا جُـهـد کـنَـگءِ اُمـیـت نـیـسـت اِنـت ، بـلَے پَــدا هَـم دُنـیـاءِ آدگے مَـهـلوُک وَتـی مُـردَگـانءَ پَـہ وَشّـنـامـیـں نـامےءَ یـات کـن اَنـت پـرچـا کـہ آیـانـی مُـردَگـاں پَـہ وَتـی ڈیـہءُ راجـاں شـرّیـں کـار کُـرتَـگ ءُ شـتَـگ اَنـت.
بَــلَے مـنـی راجءِ مُـردَگ چَـہ وَتـی زنــدءَ شـزار بـوُتَـگ اَنـت ءُ پَـہ رُزوائـیـں مَـرگےءَ مُـرتَـگ ءُ شـتـگ اَنـت ، آدگے زنـدَگـیـں مَـردُم کـہ هَـسـت اَنـت زنـدَگـیـں مُـردَگ اَنـت وَتـی گـورّءِ رَهـچـاراَنـت پَـرچـا کِـہ ایـوَکءَ آیـانـی دل سِـٹـگ جَـنَـگ اَنـت جـان ءُ مـازَگ اِش دیـراِنـت کـہ مُـرتَـگ اَنـت ، چـمّ اِش پـچ اَنـت بَـلَے نـہ گـنـدَگ اَنـت ، گـوش اِش پَـچ اَنـت بَـلَے ڈامـپ اَنـت ، زُبـان اِش دراج اِنـت بـلَے گـُـنـگ اَنـت ، نـشـتَـگ اَنـت بـلَے واب اَنـت ، آگـاه اَنـت بـلَے تـنـسـاراَنـت ، پَــدَرد اَنـت بـلَے وَتـی درداں نـہ مـارگ اَنـت ، زاهِـراَنـت بـلَے دیـمـا نَـیـایَـگ اَنـت ، زانَـگ اَنـت بـلَے بے زانَـگ اَنـت ، گـون اَنـت بـلَے هَـمـراه نَے اَنـت ، هَـسـت اَنـت بـلَے زاهِـر نَے اَنـت ، کـنـدَگ اَنـت بـلَے مُـلـوُراَنـت ، چـالاک اَنـت بـلے پَـہ وَت مُـنــڈ اَنـت ، نـامـداراَنـت بـلَے وامـداراَنـت .
ڈڈیں مَـرد اَنـت بـلے وَتـی زورءِ هـالءَ سـرپـد نَے اَنـت ، چَـمّ اِش مُـچّ اَنـت کـہ وَتـی زنـدءَ پَـہ شـرّیـں دیـدےءَ بـہ چـاراَنـت ، واجَـہ اَنـت بـلے زنـداِش گُـلام اِنـت ، شـرّیـں زانـتـکـاراَنـت بـلے وَتـی زانـتءَ پَـہ وَت کـارمَـرز نـہ کـنَـگ اَنـت ، مـاهِـریـں اُسـتـاداَنـت بـلَے وَتـی یَـکّ شـاگِـردے ءَ اُسـتـاد کُـرت نـہ کـن اَنـت ، مـاهِـریـں دارتـراش اَنـت بـلے وَتـی لـوگءَ تـاگءُ دروازَگے مـاں کُـرت نَـہ کـن اَنـت ، شـرّیں تَـبـیـب اَنـت بـلے وَتـی نـادراهـیءَ درگـپـت نَـہ کـن اَنـت ، مـالـداراَنـت بـلے وَتـی یَـکّ چُـکّےءَ چَـہ زانـت سـیـر کُـرت نَـہ کـن اَنـت ، دُنـیـاءِ کُـنــڈ کُـنــڈءَ رَوَگءُ تَـرّگ اَنـت بـلَے مَـیـم نـہ کـنَـگءَ اَنـت کـہ آدگے راجـاں وَتـی چـاگِـرداں چـوں شـرّءُ سَـلّـه کُـرتَگ اَنـت ؟ وَتـی ڈیـه اِش چـو بـانـوراں چـوں سَـمـبَـهـیـنـتَـگ اَنـت ؟ چَـمّ اِش روژنـا اَنـت بـلے آجـوئـیءِ راهءَ نـہ گـنـدَگ اَنـت ، وَشّ مَـلّـگ اَنـت بـلے دَرامَـدانـی دابءَ مـلّـگ اَنـت ، وَتـی سـراِش هَـنـچـو دوسـت اَنـت کـہ پَـہ وَتـی سـراں وَت گـنـوک اَنـت ءُ پَـهـر بَـنـدَگ اَنـت بـلے نَـہ چـارَگ اَنـت کـہ دُنـیـاءِ آدگے راج مـئے سـرا کـنـدَگ اَنـت ، مـاهِـریـں کـمـانـچـاراَنـت بـلے وَتـی سـیـنَـگ اِش وَتـی تـیـرانـی بـاهـوٹ اَنـت ، لاهِـکـیـں نـیـکـمَـرد اَنـت بـلَے مُـریـداِش چَـرسّـی ءُ بَـنـگی اَنـت ، سـیـاسَـتءِ سَــریـنـداک(کُـرسـی) ءِ سَـرا نِـشـتَـگ اَنـت بـلے وَتـی مُـهـاراِش زوراکءِ دَسـتءَاِنـت ، بـهـداریـں دهـکـان اَنـت بـلے ڈگـاراِش تَــبـل اَنـت ، زانـتـکـاریـں وانـیـنـوک اَنـت بـلے وَتـی مـاتـیـں زُبـانءَ دَربُـرت نـہ کـن اَنـت ، سَـر پَـہ هـوشـیـں شـاگـرداَنـت بـلَے چَـہ اُسـتـاداں سَـبَـکّ نـہ زوُرَگ اَنـت ، بَـلَـدیـں سَـوداگِـراَنـت بَـلے هـانُـلءِ سـودا اِش گـوں پُــر جـتَـگ ، هُـسـابـزانـت اَنـت بـلَے وَتـی گـلـزُمـیـنءِ هَــدّ ءُ کِـسـاسءَ نَـہ زانَـگ اَنـت ، وَشّـرَنـگ اَنـت بـلے زوراکءِ بَـگـلءَ وَپـتَـگ اَنـت ، چُـکّ دوسـتـیـں پـت اَنـت بـلے چُـکّءِ رودیـنَـگءَ نَـہ زان اَنـت ، جَــرّ ءُ دارءِ بـِکّ اَنـت بـلے وَتـی نـادراهـیءِ دَرمـانءِ پـجّـارءَ نَـہ زان اَنـت ، کـواسـیـں پَـد گِـراَنـت بـلَے وَتـی دُژمِـنءِ پـاد پَـدءَ نـہ زان اَنـت ، شِـیـراَنـت بـلے چَـہ روبـاهـاں تُـرسَـگ اَنـت ، دیـہ اَنـت بَـلے وَتـی بـارءَ بَــڈ کُـرت نـہ کـن اَنـت ، مِـهـرَوانـیـں جـود اَنـت بـلے وَتـی زال اِش مـولـد کُـرتَـگ اَنـت ، سَـردارءُ کـمـاش اَنـت بـلے نـشـتَـگءُ هـشـت چـوک جَـنَـگ اَنـت ، هُـژّاراَنـت بـلے زوراک اِش رَد دیَـگءَاِنـت راسـتـیـں مُـسُـلمان اَنـت بـلے وَتـی هَـکّءَ نَـہ مـوک اَنـت ، دورچـاراَنـت بـلے آپ چَـہ آیـانـی پـادءِ چـیـر گـوَزَگ اِنـت ، آجـو اَنـت بـلے وَت واجَـہ نَے اَنـت ، سَـر پَـہ هـوش اَنـت بـلے چَـہ وَت بے تـرانَـگ اَنـت ، پـیـریـن اَنـت بـلے دَنـیـگـا سـرانـی هـوش اِش نَـیاتـکَـگ اَنـت ، زانـتـکـاراَنـت بَـلے نَـزانـتـکـاراِش پـیـسَـر کُـرتَـگ اَنـت ، وَهــداِش مـاں دَسـتءَاِنـت بـلَے آ وَهــدءَ مـاں لَـنـشّءُ پَـتـاراں شـوهـاز کـنَـگ اَنـت ، دُنـیـا پَـہ آیـانـی بَـزّگـیءَ گـریـوَگ اِنـت بـلَے آ وَتـی سـرءَ وَت کـنـدَگ اَنـت ، دُنـیـا اِش گـوَشـگءَاِنـت کـہ شـمـا رَد اِت بَـلے آیـاں دُنـیـاءَ پـہ کَـلاگ زُرتَـگ گـوَشَـگءَاَنـت کـہ دُنـیـا رَد اِنـت ، هـاوَنــدءَ بـلـوچـڈیـہءِ واجَـہ کُـرتَـگ اَنـت بـلے هـاوَنــدءِ شَـرّیـں دادءِ زوُرَگءَ نـہ زان اَنـت ، سـانــڈ اَنـت بـلے وَتـی هَـکّءَ پَـچ گـپـت نَـہ کـن اَنـت ، کـواسـیـں مَـسّـاه اَنـت بـلے وَت لَـنـگءُ لُـچّ اَنـت ، پـاکـاراَنـت بـلے وَتـی ڈگـاراِش آدرَواَنـت ، شَـرّ زات اَنـت بـلے بَــد زاتـانـی گُـلام اَنـت کَـواسـیـں اَدیـب اَنـت بـلے بـے اَدَب اَنـت ، نَـدکـاراَنـت بـلے بَـلـوچـیءِ راسـتـیـں سـیـاهَـگءَ رَد اَنـت ، زان اَنـت بـلے جـاهِـل اَنـت ، شُـپـانـک اَنـت بـلے بے رَمـگ اَنـت ، یَـکّ رَمے اَنـت بـلے بے شـپـانـک اَنـت ، لـوٹ اَنـت کِـہ وَهــدءَ بـہ ٹـیـلـیـن اَنـت بـلے وَهــد آیـانءَ ٹـیـلـیـنـَگءَ اِنـت .

نوشتانکار: اَدَبـی هَـکـیـم
————-( آسَـــــــــــر)————-